Free Gas Cylinder : महाराष्ट्र सरकारने महिलांसाठी ‘मुख्यमंत्री अन्नपूर्णा योजना’ सुरू केली असून, याअंतर्गत पात्र कुटुंबांना वर्षाला ३ गॅस सिलेंडर मोफत दिले जाणार आहेत. मात्र, या योजनेचा लाभ सरसकट सर्व महिलांना मिळणार नाही. यासाठी सरकारने काही कडक अटी आणि पात्रता निकष ठरवले आहेत. तुमच्या मनात असलेले सर्व प्रश्न आणि गोंधळ दूर करण्यासाठी हा लेख शेवटपर्यंत वाचा.
शासकीय निर्णयानुसार, मोफत सिलेंडर मिळवण्यासाठी खालील अटींची पूर्तता होणे आवश्यक आहे:
अनेक जण विचारत आहेत की, आता गॅस कनेक्शन ट्रान्सफर केले तर चालेल का? याचे उत्तर ‘नाही’ असे आहे. शासन निर्णयानुसार, १ जुलै २०२४ पर्यंत ज्या महिलांच्या नावावर गॅस कनेक्शन आहे, त्यांनाच या योजनेचा लाभ मिळेल.
जर तुम्ही लाभ मिळवण्यासाठी खालील गोष्टी करण्याचा विचार करत असाल, तर तुम्हाला लाभ मिळणार नाही:
१. पुरुषाच्या नावावर असलेले गॅस कनेक्शन आता महिलेच्या नावावर ट्रान्सफर करणे.
२. १ जुलै २०२४ नंतर रेशन कार्ड विभक्त (वेगळे) करून नवीन गॅस कनेक्शन घेणे.
३. नवीन गॅस कनेक्शन घेऊन योजनेचा लाभ घेण्याचा प्रयत्न करणे.
अनेक महिलांना लाडकी बहीण योजनेचे पैसे मिळत आहेत, पण गॅस कनेक्शन पतीच्या किंवा सासऱ्यांच्या नावावर आहे. अशा परिस्थितीत त्यांना मोफत सिलेंडरचा लाभ घेता येणार नाही. सरकारने ही योजना केवळ महिलांच्या नावावर असलेल्या जुन्या कनेक्शनसाठीच मर्यादित ठेवली आहे, जेणेकरून पारदर्शकता राहील.
या योजनेत लाभार्थ्यांना प्रथम स्वतःच्या पैशाने सिलेंडर खरेदी करावा लागेल. त्यानंतर, सिलेंडरची मूळ रक्कम वजा जाता, सरकारकडून मिळणारे अनुदान (Subsidy) थेट महिलेच्या आधार लिंक बँक खात्यात जमा केले जाईल. वर्षातील ३ सिलेंडरसाठी ही सवलत लागू असेल.
तुमच्या कुटुंबात गॅस कनेक्शन कोणाच्या नावावर आहे? तुम्हाला लाडकी बहीण योजनेचा लाभ मिळतो का? काही शंका असल्यास खाली कमेंट बॉक्समध्ये नक्की विचारा.
