PM Kisan Yojana Hafta 2026: देशातील कोट्यवधी शेतकरी बांधवांसाठी केंद्र सरकारची ‘प्रधानमंत्री किसान सन्मान निधी’ (PM Kisan) योजना एक मोठा आर्थिक आधार ठरली आहे. आतापर्यंत सरकारने यशस्वीपणे २१ हप्ते वितरित केले असून, आता सर्व शेतकऱ्यांचे लक्ष २२ व्या हप्त्याकडे लागले आहे. त्याचबरोबर महाराष्ट्रातील शेतकऱ्यांना ‘नमो शेतकरी महासन्मान निधी’ योजनेच्या ८ व्या हप्त्याची देखील प्रतीक्षा आहे.
केंद्र सरकारने अद्याप २२ व्या हप्त्याच्या वितरणाची अधिकृत तारीख जाहीर केलेली नाही. परंतु, योजनेच्या नियमांनुसार आणि मागील नोंदींनुसार, २२ वा हप्ता फेब्रुवारी २०२६ च्या अखेरच्या आठवड्यात किंवा मार्चच्या पहिल्या आठवड्यात शेतकऱ्यांच्या खात्यात जमा होण्याची दाट शक्यता आहे. रब्बी हंगामाच्या पार्श्वभूमीवर हा निधी शेतकऱ्यांच्या बँक खात्यात थेट डीबीटी (DBT) द्वारे जमा केला जाईल.
यावेळी केवळ ई-केवायसी (e-KYC) करून चालणार नाही. केंद्र सरकारने आता ‘फार्मर आयडी’ (Farmer ID) म्हणजेच ‘युनिक शेतकरी ओळख क्रमांक’ अनिवार्य केला आहे. ज्या शेतकऱ्यांकडे हा आयडी नसेल, त्यांचा हप्ता तांत्रिक कारणास्तव रोखला जाऊ शकतो.
तुमची सर्व कागदपत्रे बरोबर असूनही पैसे जमा झाले नाहीत, तर खालील तांत्रिक बाबी त्वरित तपासा:
१. ई-केवायसी (e-KYC): जर तुम्ही अद्याप ई-केवायसी पूर्ण केली नसेल, तर ती पीएम किसान पोर्टलवरून किंवा जवळच्या सीएससी (CSC) केंद्रावर जाऊन त्वरित पूर्ण करा.
२. आधार लिंकिंग (DBT Status): तुमचे बँक खाते आधार कार्डशी लिंक असणे आणि ‘डीबीटी’ (Direct Benefit Transfer) पर्याय सक्रिय असणे अनिवार्य आहे.
३. जमीन नोंदणी (Land Seeding): तुमच्या जमिनीची अधिकृत नोंदणी पीएम किसान पोर्टलवर प्रमाणित असणे गरजेचे आहे. जर लँड सीडिंग ‘No’ दिसत असेल, तर हप्ता जमा होणार नाही.
४. बँक तपशील: बँकेचा आयएफएससी (IFSC) कोड बदलला असल्यास किंवा अर्जातील नाव आधार कार्डाप्रमाणे नसल्यास निधी अडकू शकतो.
तुमचे नाव २२ व्या हप्त्याच्या नवीन यादीत आहे की नाही, हे पाहण्यासाठी खालील सोप्या पद्धतीचा वापर करा:
१. पीएम किसानच्या अधिकृत वेबसाईटवर (pmkisan.gov.in) जा.
२. होमपेजवरील ‘Beneficiary List’ या पर्यायावर क्लिक करा.
३. तुमचे राज्य, जिल्हा, तालुका आणि गाव निवडा.
४. ‘Get Report’ वर क्लिक केल्यानंतर तुमच्या गावाची यादी समोर येईल, त्यात तुमचे नाव तपासा.
शेतकरी बांधवांनो, २२ व्या हप्त्याचे २,००० रुपये आणि नमो शेतकरी योजनेचे लाभ मिळवण्यासाठी आपला फार्मर आयडी आणि ई-केवायसी वेळेत पूर्ण करून घ्या.
