ladki Bahin January installment 2026: महाराष्ट्र राज्य सरकारच्या ‘मुख्यमंत्री लाडकी बहीण योजना’ आज एक मोठी आणि खळबळजनक अपडेट समोर आली आहे. जानेवारी २०२६ च्या हप्त्याचे वाटप सुरू झाले असून, राज्यातील काही जिल्ह्यांमध्ये महिलांच्या खात्यात ₹२,१०० जमा झाल्याचे मेसेज येत आहेत. मात्र, त्याच वेळी सुमारे ६० लाख महिलांचे अर्ज विविध तांत्रिक कारणांमुळे रद्द करण्यात आल्याची माहिती समोर आल्याने मोठी खळबळ उडाली आहे.
प्राप्त माहितीनुसार, राज्यातील ३६ पैकी ३० जिल्ह्यांमध्ये सध्या हप्ता वितरणाची प्रक्रिया सुरू आहे. यापैकी १२ जिल्ह्यांमधील महिलांच्या खात्यात आज रात्री १२ वाजेपर्यंत पैसे जमा होण्याचे संकेत आहेत. विशेषतः दोन जिल्ह्यांमध्ये दुपारपासूनच महिलांना मेसेज मिळण्यास सुरुवात झाली आहे. मात्र, उर्वरित ६ जिल्ह्यांमध्ये सध्या पडताळणीची प्रक्रिया सुरू असल्याने तेथील निधी तूर्तास थांबवण्यात आला आहे.
प्रशासकीय स्तरावर झालेल्या सखोल पडताळणीमध्ये अनेक अर्जांमध्ये त्रुटी आढळल्या आहेत. मुख्यत्वे खालील ५ कारणांमुळे ६० लाख महिलांना योजनेतून बाहेर काढल्याचे समजते:
१. उत्पन्नाची खोटी माहिती: ज्या कुटुंबाचे वार्षिक उत्पन्न ₹२.५ लाखांच्या वर आहे, मात्र त्यांनी तसा उल्लेख केला नाही, अशा महिलांचे अर्ज रद्द करण्यात आले आहेत.
२. नावातील विसंगती: आधार कार्डवरील नाव आणि बँक पासबुकवरील नावामध्ये तफावत (Mismatch) आढळल्याने डीबीटी (DBT) व्यवहार अयशस्वी ठरले आहेत.
३. एकापेक्षा जास्त अर्ज: एकाच नावावर किंवा एकाच आधार क्रमांकावर दोन ते चार अर्ज भरल्याचे प्रकारही उघड झाले आहेत.
४. वय मर्यादेचे उल्लंघन: २१ ते ६५ वयोगटाबाहेरील अर्जदारांनीही मोठ्या प्रमाणावर अर्ज भरल्याचे तपासणीत समोर आले आहे.
५. साधनसामुग्रीची अट: घरात चारचाकी वाहन किंवा आयकर भरणारे सदस्य असल्यास अशा महिलांना अपात्र ठरवण्यात आले आहे.
ज्या महिलांचे अर्ज पूर्णपणे वैध आहेत आणि ज्यांना नियमित लाभ मिळत आहे, त्यांच्यासाठी मकर संक्रांतीनिमित्त आनंदाची बातमी आहे. अनेक महिलांच्या खात्यात यावेळेस नियमित हप्त्याव्यतिरिक्त वाढीव रक्कम मिळून ₹२,१०० जमा होत आहेत. यामुळे लाभार्थी महिलांची संक्रांत अधिक गोड होणार आहे.
जर तुम्हाला अजूनही मेसेज आला नसेल, तर घाबरून न जाता खालील गोष्टींची पूर्तता करा:
शासनाकडून पात्र महिलांना लाभ देण्यासाठी वेळोवेळी मुदतवाढ दिली जात आहे, त्यामुळे तांत्रिक त्रुटी दूर केल्यास तुम्हाला पुढील हप्ते नियमितपणे मिळू शकतात.
