Ladki Bahin Yojana Installment Update : मुख्यमंत्री माझी लाडकी बहीण’ योजनेचा हप्ता आता १५०० रुपयांवरून वाढवून २१०० रुपये करण्यात आला आहे. मात्र, नवीन नियमांनुसार आणि तांत्रिक बदलांमुळे तुमचे पैसे अडकू नयेत, यासाठी तुमचे बँक खाते ‘डीबीटी’ (DBT) साठी पात्र असणे अनिवार्य आहे. तुमचे पैसे कोणत्या बँकेत येतील आणि तुमचे खाते सुरक्षित आहे का, हे तपासण्यासाठी खालील माहिती काळजीपूर्वक वाचा.
सरकार आता केवळ अशाच खात्यांत पैसे जमा करणार आहे जे आधार सीडेड (Aadhar Seeded) आहेत. जर तुमच्याकडे एकापेक्षा जास्त बँक खाती असतील, तर ज्या खात्याला तुमचे आधार कार्ड शेवटचे लिंक झाले आहे, त्याच खात्यात पैसे जमा होतील. जर तुमचे जुने खाते बंद असेल किंवा आधार लिंक नसेल, तर तुमचे २१०० रुपये जमा होणार नाहीत.
तुम्ही तुमच्या मोबाईलवर अवघ्या दोन मिनिटांत तुमचे बँक सीडिंग स्टेटस तपासू शकता:
१. अधिकृत वेबसाईटवर जा: गुगलवर UIDAI (myaadhaar.uidai.gov.in) सर्च करा.
२. लॉगिन करा: तुमचा आधार नंबर टाका आणि मोबाईलवर आलेला ओटीपी (OTP) प्रविष्ट करून लॉगिन करा.
३. Bank Seeding Status निवडा: ‘Bank Seeding Status’ या पर्यायावर क्लिक करा.
४. स्थिती तपासा: तिथे तुम्हाला तुमच्या बँकेचे नाव दिसेल आणि स्टेटस ‘Active’ (हिरव्या रंगात) असणे आवश्यक आहे.
५. बँकेचे नाव पहा: तिथे जे बँकेचे नाव दिसत आहे, त्याच बँकेत तुमचे पुढचे २१०० रुपये जमा होतील.
१. जर तुमचे स्टेटस ‘Inactive’ दिसत असेल, तर तात्काळ तुमच्या बँकेत जा आणि ‘NPCI Mapping’ किंवा ‘DBT Enable’ करण्याचा फॉर्म भरून द्या.
२. जर बँकेत गर्दी असेल किंवा तांत्रिक अडचण येत असेल, तर ‘इंडिया पोस्ट पेमेंट बँक’ (IPPB) मध्ये नवीन खाते उघडा. पोस्टातील खात्याला डीबीटी लवकर लिंक होते.
३. डिसेंबरचा हप्ता मतदानानंतर लगेच जमा होणार असल्याचे संकेत मुख्यमंत्री एकनाथ शिंदे यांनी दिले आहेत, त्यामुळे ही प्रक्रिया आजच पूर्ण करा.
महत्त्वाची टीप: तुमचे २१०० रुपये सुरक्षित ठेवण्यासाठी आधार सीडिंगची स्थिती तपासणे हाच एकमेव मार्ग आहे. तुमची बँक कोणती आहे आणि तुम्हाला किती हप्ते मिळाले आहेत, हे कमेंटमध्ये नक्की कळवा!
